Lajme të bujshme vijnë nga Spanja për të ardhmen e Kylian Mbappe. “Sport” raporton se francezi po mendon të mos transferohet në Real Madrid dhe agjentët e lojtarit kanë bërë me dije se ende nuk është nënshkruar asgjë, duke lënë hapur derën për një rinovim të mundshëm te Paris Saint-Germain, por edhe për klubet e tjera.
Përveç klubit aktual të sulmuesit, nga kjo situatë mund të përfitojë edhe Liverpool. Duke qenë se francezi është i pavendosur për të ardhmen e tij edhe te PSG-ja, kjo është një mundësi që “The Reds” mund ta shfrytëzojnë.
Deri më sot, shumë raportime të medieve botërore e dërgojnë atë te “Los Blancos”, megjithëse vetë Mbappe tha, në fund të ndeshjes të martën në mbrëmje, se nuk ka marrë ende një vendim për të ardhmen e tij.