Kylian Mbappe bindet çdo ditë e më shumë se për të fituar tituj të rëndësishëm në nivel klubesh, duhet të largohet nga PSG dhe të veshë fanellën e bardhë të Real Madrid. Sulmuesi ka njoftuar të gjithë rrjetin e personave pranë tij se në verën e vitit 2024 do të jetë pjesë e Los Blancos, nga ku synon të nisë një cikël të ngjashëm me atë që ndoqi idhulli i tij në Santiago Bernabeu, Cristiano Ronaldo.
Në ditët e ardhshme, Mbappe dhe përfaqësuesit e tij do të takohen me drejtuesit e Parisit për t’i bërë të ditur objektivin, ndërsa 24-vjeçari do të qëndrojë edhe sezonin e ardhshëm në Francë dhe më pas mund të përdorë klauzolën në kontratë e cila e liron nga çdo detyrim nëse klubi francez nuk fiton Champions League. Por, edhe në rast triumfi në Europë, me kontratën që i përfundon në vitin 2025 dhe pa dëshirën për të rinovuar, Mbappe pritet ta përfundojë aventurën pariziene një vit më herët dhe më pas të niset për Madrid.
Lexo edhe:
- Çmenduri për golashënuesin e Serie A, një njohje e vjetër dhe Mbappe transferojnë Osimhen në Francë
- Dortmundi rikuperon 6 lojtarë para Bayernit, gati t’i prishë debutimin Tuchelit
- Precedenti i para 8 viteve dhe binjakëzimi me tifozët e Napolit, ndalohet transferta për ultrasit holandezë
- Minifutboll/ Shqipëria, një hap larg historisë! Ndaj Spanjës luhet për kualifikimin
Nga ana tjetër, klubi madrilen vijon të mbetet neutral dhe nuk po merr pjesë në tratativat për të ardhmen e Mbappe, me spanjollët që ende janë të nervozuar mbi zgjedhjen e Kampionit të Botës për të rinovuar me PSG kur iu ishte premtuar atyre. Megjithatë, koha është ilaçi më i mirë dhe nervat pritet të jenë zbutur në vitin 2024, me Mbappe dhe Real Madrid që duken të destinuar për të përfunduar së bashku.