Shkëndija do të luajë nesër duelin e parë të raundit të tretë në Conference League. Kuqezinjtë nga Tetova do të sfidojnë AIK-un e Stokholmit të enjtën (19:00), përballje që do të transmetohet ekskluzivisht në SuperSport.
Tifozët e gjashtë herë kampionëve të Suedisë presin kalimin e ekipit të tyre në “play-off” dhe kanë nxituar të blejnë biletat për përballjen ndaj skuadrës shqiptare që garon në kampionatin e Maqedonisë së Veriut.
Me anë të një postimi në faqen zyrtare, AIK-u njofton se deri tani janë shitur 12 mijë bileta në “Friends Arena”, stadium me kapacitet prej 50 mijë vendesh, numër që pritet të rritet deri nesër, sidomos edhe nga ana shqiptare, pasi Shkëndija nuk do të jetë vetëm.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?