Kategoria Superiore

Mbledhje me tone të ashpra te Lushnja, kërkohet respektimi i garës

Mbledhje me tone të larta te Lushnja por nuk ka përjashtime nga grupi i lojtarëve sic ishte aluduar. Një ditë pas konfirmimit në stol të trajnerit Hysen Dedja që i kishte paraqitur dorëheqjen, Kryetari i bashkisë Lushnje, Fatos Tushe, ka mbledhur ekipin dhe stafin teknik për të vënë pikat mbi I për situatën që përjeton skuadra lagunare që fundjavën e kaluar humbi atë që konsiderohej një stacion i fundit mbijetese me Vllazninë. Vetë trajneri Hysen Dedja sqaroi më tepër në një dalje publike për mediat.

Kërkesa kryesore e kryetarit të Bashkisë ndaj lojtarëve ka qenë ajo për të respektuar luftën sportive për të mos u bërë pjesë e pazareve në kurriz të skuadrës.

Është evidente se te Lushnja nuk mungojnë dyshimet se lojtarët mund të bien pjesë e tentativave nga skuadra të tjera për ti korruptuar. Vetë Dedja konfirmon se ato kanë qenë prezente edhe për sfidën me Vllazninë.

To Top