Federata Italiane e Futbollit ka ndarë çmimet për më të mirët e këtij sporti, për vitin 2017, në një mbrëmje gala të organizuar në Milano. Të pranishëm kanë qenë të gjithë yjet e skuadrave të Serisë A, ndërsa nuk ka munguar as ish mbrojtësi i Juventusit, Dani Alves.
Buffon është zgjedhur portieri më i mirë, ndërsa është përcaktuar edhe formacioni më i mirë i sezonit të kaluar, që dominohet nga futbollistët e Juventusit kampion.
Buffon; Alex Sandro, Bonucci, Koulibaly, Dani Alves; Nainggolan, Hamsik, Pjanic; Dybala, Mertens, Higuain. Kjo ishte 11-shja e përzgjedhur si formacioni më i mirë i sezonit të kaluar, që u rreshtua në skemën 4-3-3. Trajneri më i mirë u shpall tekniku i Napolit, Sarri, që nuk ishte i pranishëm në ceremoni.