Andi Hoti është zyrtarisht futbollist i Magdeburgut. Mbrojtësi anësor i Kosovës ishte bashkuar prej ditësh me klubin që militon në Bundesligën e dytë gjermane, për për zyrtarizimin iu desh të priste jo pak.
Duke folur për mediat gjermane, Hoti pranoi se ishte në dijeni të situatës dhe i qetë e i bindur që transferimi do të kompletohej.
“E dija që çështja do të zgjidhej, por mungonte ende diçka. Drejtori Sportiv Otmar Schork më kishte thënë se gjithçka do të zgjidhej dhe kështu ndodhi. Jam i lumtur dhe gati për këtë eksperiencë të re”, u shpreh Hoti.
Lexo edhe:
- “Lajmëroni shokët”/ Pas Dokës, Tirana prezanton rikthimin e shumëpritur në kryeqytet
- I aftë me këmbë, reflekse dhe “mjeshtër” për penalltitë, Milan i vendos çmimin Maignan
- Conference League, dy skuadra dardane në ekranin e SuperSport
- Realizoi 9 gola sezonin e fundit, Augsburg blen Mërgim Berishën nga Fenerbahce
Mbrojtësi 20-vjeçar ishte pjesë e Interit që prej vitit 2020, kur zikaltrit e blenë nga Zyrihu. Pas eksperiencave te të rinjtë zikaltër, sezonin e kaluar Hoti ishte në huazim te Freiburg II, ndërsa këtë verë zikaltrit e shitën te Magdeburg për shifrën modeste të 250 mijë eurove.
Andi Hoti ka luajtur me moshat e Zvicrës, deri para tre vitesh, kur vendosi të përfaqësojë Kosovën. Me ‘dardanët’ mbrojtësi ka luajtur si në ekipin U17, ashtu edhe atë U21.
