Duke nisur nga sezoni i ardhshëm, Phil Jones nuk do të jetë më pjesë e organikës së Manchester United. Mbrojtësi ka qenë pjesë e “Djajve të Kuq” prej vitit 2011 duke regjistruar plot 169 prezenca me anglezët, mirëpo tashmë në moshën 31-vjeçare do të duhet të startojë një eksperiencë të re. Së fundmi, Jones është përshëndetur edhe zyrtarisht me tifozët e United teksa thekson se për të “Djajtë e Kuq” ishin një ëndërr.
“Ishte një nder për mua të përfaqësoja këtë stemë dhe të gjithë ata të cilët historinë e tyre e kanë të lidhur me United. Do të doja të kisha luajtur më shumë, të kisha dhënë më shumë për skuadrën. Por, nga thellësia e zemrës ju siguroj se kam dhënë maksimumin.
Lexo edhe:
- Roma dedikim special për finalen, Mourinho e telefonon nga Gjermania
- VIDEO/ Peja fiton titullin në basketboll pas plot një dekade
- Pellegrini: Roma luajti e bashkuar si një familje, duke pasur identitet të fortë
- E konfirmojnë në Gjermani, Xhaka firmos me Bayer Leverkusen në verë
Ndonjëherë në jetë ndodhin gjëra të cilat nuk na pëlqejnë, por e rëndësishme është të jemi të vetdijshëm se dhuruam më të mirën për të tejkaluar sprovat. Në karrierë dhe jetë, kjo është shumë e rëndësishme. Ky nuk është momenti për të qenë i trishtuar, por momenti për të parë edhe njëherë tjetër historinë që lashë pas dhe të jem i lumtur për veten e familjen që jetova një ëndërr me United”, u shpreh Jones.
