Pas 13 muajsh me fanellën e Manchester Cityt, mbrojtësi francez Aymeric Laporte ka bindur të gjithë me performancën e tij. Kjo pasi klubi i “citizens” vendosi t’i rinovojë futbollistit kontratën, duke zgjatur bashkëpunimin mes palëve deri në vitin 2025.
Aymeric Laporte iu bashkua Cityt janarin e vitit të kaluar, pasi u transferua për shumën e 57 milionë stërlinave, nga baskët e Athletic Bolbaos. Me kontratën e re, janë përmirësuar ndjeshëm edhe fitimet e mbrojtësit 25-vjeçar, i cili ka luajtur 35 takime me Manchester Cityn, duke shënuar edhe dy gola.