Connect with us

Hi, what are you looking for?

La Liga

Mbrojtësi gjerman shuan dilemat, zyrtarizohet te rekordmenët e Championsit

Antonio Rüdiger është zyrtarisht futbollist i Realit të Madridit. Skuadra “merengues” ka njoftuar afrimin e gjermanit, që e konsideron “një nga mbrojtësit më të mirë në botë, titullar me kombëtaren gjermane.” Lojtari i kërkuar me ngulm nga Ancelotti ka firmosur me “Los Blancos deri në vitin 2026.

29-vjeçari sapo përfundoi kontratë me Chelsea-n dhe preferoi të mos e vijonte karrierën në “Samford Bridge”. Në klubin anglez ai ka qenë një lojtar kyç në fitimin e 1 Champions League, 1 Europa League, 1 Botëror Klubesh, 1 Superkupë Evropiane dhe 1 Kupë të Anglisë. Përveç kësaj, ai është përfshirë në ekipin ideal të Champions League në dy sezonet e fundit.

I fuqishëm fizikisht (1.90 m), Rüdiger është një futbollist me përvojë në madhe në Angli, Gjermani dhe Itali. Në sezonin e fundit ai ka thyer rekordin e tij për ndeshje të luajtura dhe gola të shënuar, duke u aktivizuar në 54 takime dhe duke shënuar 5 gola.

Ridigger debutoi në moshën 18-vjeçare në Bundesligë në radhët e Shtutgartit, prej nga u largua në vitin 2015 për t’iu bashkuar Romës. Në vitin 2017 u transferua te Chelsea për t’u bërë pikë referimi për mbrojtjen e londinezëve për pesë sezone. Rudigger është grumbulluar rregullisht nga Gjermania dhe në mars të këtij viti arriti shifrën e 50 paraqitjeve me “Panzerat”. Me kombëtaren e tij fitoi Kupën e Konfederatave në vitin 2017.

 

Palmaresi i Rudiggerit:

1 Champions League

1 Borëror Klubesh

1 Europa League

1 Superkupë Evropiane

1 FA Cup

1 Kupa e Konfederatave

2 herë në ekipin e sezonit të Champions League (2021 dhe 2022)

 

Karriera:

Shtutgart (2011-2015)

Roma (2015-2017)

Chelsea (2017-2022)

Real Madrid (2022- )

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...