Andrea Conti ishte një nga afrimet e shumta të merkatos verore te Milani dhe nga ish mbrojtësi i Atalantës pritej vërtetë shumë. Fillimi ishte fantastik për mbrojtësin e majtë, por një dëmtim i rëndë e detyroi të qëndrojë jashtë fushave të lojës, për disa muaj.
Rikthimi i tij në fushë është parashikuar për në muajin mars, por duket se procesi i rikuperimit po ecën me ritme të shpejta. Në një video të postuar nga klubi kuqezi në Instagram, shfaqet Conti që vijon procesin e rikuperimit, me intensitet të lartë. Mjekët e Milanit janë optimistë se me vullnetin me të cilin po punon Conti, rikthimi i tij në fushë do të afrohet për në fundin e muajit janar.
Rikuperimi i tij do të ishte një lajm mjaft i mirë edhe për trajnerin e Milanit, Vincenzo Montella, pasi me skemën e përdorur prej tij këtë sezon, Conti do të ishte mjaft i rëndësishëm në krahun e majtë.