Atletico Madrid po kalon momentin më të mirë të sezonit. Skuadra e Diego Simeones triumfoi 3-0 ndaj Valencias në “Wanda Metropolitana”.
Kjo ishte fitorja e tretë radhazi në La Liga dhe rezultati i dhjetë radhazi pozitiv (7 fitore dhe 3 barazime). “Colchoneros” mbajnë vendin e tretë në renditje, ndërkohë që Simeone është i lumtur me formën e djemve të tij.
“Jam i lumtur sepse kush luan bën shumë mirë, por të njëjtën gjë bëjnë edhe ata që vijnë nga pankina. Jemi një skuadër e kompletuar.
LEXO EDHE:
- Zyrtarizohet lista për Poloninë, ja risitë e Sylvinhos
- Shorti i Championsit, përplasje “gjigantësh” në çerekfinale
- “Çfarë problemi keni me rezultatin 1-0”, Xavi para El Clasicos: Nuk e ndryshojmë stilin!
- VIDEO/ Sylvinho e bën me krahë, Jasir Asani realizon tripletë
Në pjesën e parë nuk ia dolëm të shënonim golat e tjerë që realizuam në të dytën. Avantazhi 1-0 është i rrezikshëm, nuk je kurrë i qetë. Atletico po rritet shumë”.
Më pas një koment për Antoine Griezmann. Sulmuesi francez zhbllokoi takimin, duke gjetur golin e nëntë sezonal në La Liga.
“Është shumë e vështirë ta markosh. Antoine është një ndër më të mirët në botë në leximin e situatave në sulm”, theksoi Diego Simeone.
