Eduardo Berizzo nuk është më trajneri i Athletic Bilbao. Lajmi u konfirmua nga vetë klubi bask, që theksoi se largimi i tij vjen pas një marrëveshjeje mes palëve për të zgjidhur kontratën, ndërsa drejtimi i skuadrës i besohet Gaizka Garitanos. Fatale për largimin e 49-vjeçarit ishte humbja me Levanten mbrëmjen e së hënës, kur Bilbao u mposht me rezultatin 3-0. Në 14 takime nën drejtimin e Berizzos, Athletic Bilbao ka regjistruar vetëm një fitore, në javën e parë ndaj Leganes, 8 barazime dhe 5 humbje. Aktualisht skuadra renditet në vendin e 18 në La liga dhe nëse kampionati do të mbyllej sot, do të zbriste në Segunda Divizion.