Connect with us

Hi, what are you looking for?

FA Cup

Mbyllen takimet e para të 1/8-ave të FA Cup, katër çerekfinalistët e kësaj mbrëmje

Këtë të martë janë zhvilluar takimet e para të raundit të 1/8-ave të FA Cup, nga ku u mësuan edhe katër skuadrat e para çerekfinale, të cilat janë Brighton, Blackburn, Fulham dhe Manchester City.

Brighton është skuadra e parë e kualifikuar për në çerekfinale të FA Cup, ndërsa fitoi me rezultatin 0-1 në transfertën e Stoke City.

Skuadra e De Zerbit diktoi ritmin gjatë gjithë takimit, ndërsa ndeshja u zhbllokua pas 30 minutave lojë me Ferguson që gjeti rrjetën pas një asisti nga Mitoma.

Leicester City u eliminua në shtëpi nga Blackburn, ndërsa u mund me rezultatin 1-2. Miqtë morën avantazhin në minutën e 33’ me Dolan, përtej faktit që vendasit kishin dominim të dukshëm.

Lexo edhe:

Ndërsa pas një asisti nga Gallagher, Szmodics dyfishoi avantazhin për Blackburn në minutën e 52’. Vendasit tentuan të reagonin me Iheanacho që realizoi në minutën e 67’. Në fund takimi u mbyll me këtë rezultat, me Blackburn që kalon në raundin tjetër.

Fulham City siguroi raundin çerekfinal të FA Cup, ndërsa triumfoi me rezultatin 2-0 ndaj Leeds United.

Vendasit morën avantazhin në minutën e 21’ me Palhinha, ndërsa në minutën e 56’ Solomon vulosi gjithçka duke shënuar golin e dytë për ekipin e tij. Leeds nga ana tjetër tentoi të reagojë, por pa mundur të kishte sukses, duke u eliminuar nga FA Cup.

Manchester City është bërë çerekfinalisti i katërt i FA Cup, ndërsa fitoi me rezultatin 0-3 në transfertën e Bristol City.

Skuadra e Guardiolës zhbllokoi sfidën që në minutën e 7’, me Foden që gjeti rrjetën pas një asisti nga Mahrez.

Miqtë dominuan të gjithë takimin, me sfidën që vazhdoi me rezultatin 0-1 deri në minutën e 74’, me Foden që realizoi golin e dytë personal dhe të dytin për skuadrën e tij.

Ndërkohë në minutën e 81’ pas një astit nga Grealish, De Bruyne realizoi golin e tretë për Manchester City-n dhe vulosi rezultatin e këtij takimi.

Ndërsa katër ndeshjet e mbetura të raundit të 1/8-ave do të luhen këtë të mërkurë, nesër.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...