Ivan Balliu mbylli një sezon fantastik, teksa pas 35 ndeshjeve si protagonist me fanellën e Rayo Vallecanos, u shfaq në të njëjtën lartësi edhe në dy sfidat e Kombëtares Shqiptare në Ligën e Kombeve.
Mbrojtësi i djathtë, që shquhet për shpejtësi dhe cilësi të mëdha teknike, ka nisur tashëm pushimet, megjithatë nuk pritet një verë e qetë, pasi emri i tij ka përfunduar në listën e merkatos së shumë klubeve, kryesisht spanjolle.
Siç zbulojnë mediat iberike, të paktën tre klube të njohura të La Ligës kanë vënë Balliun në krye të listës së merkatos, teksa bëhet fjalë për Villarealin, Betisin dhe Espanyolin, të cilat janë gati të investojnë te anësori kuqezi.
Gjithsesi Rayo Vallecano ia doli të sigurojë mbijetesën në La Liga pa problem, ndaj nuk përjashtohet edhe mundësia që balliu të vijojë të qëndrojë aty edhe për sezonin e ardhshëm, duke qenë se ka kontratë deri në verën e 2023-shit.
🔴⚪️ Iván Balliu podría salir del Rayo Vallecano. El jugador de la Selección de Albania 🇦🇱 de 30 años disputó 39 partidos en la última temporada.
Hay tres equipos de @LaLiga que preguntaron por él: Betis, Espanyol y Villarreal. @relevo pic.twitter.com/hH2FWOpuPN
— Marcos Durán (@marqoss) June 8, 2022