Connect with us

Hi, what are you looking for?

Kupa e Italisë

Më i miri për Interin, Kristjan Asllani tregon emocionet e kualifikimit

Kristjan Asllani e nisi si titullar ndeshjen e Kupës së Italisë ndaj Parmës (2-1). Mesfushori kuqezi ishte lojtari më i mirë në fushë për ekipin zikaltër (nota 8), ndërkohë që skuadrës së Simone Inzaghit iu deshën 120 minuta për marrë kualifikimin.

Pas ndeshjes, 20-vjeçari nga Elbasani u shpreh i kënaqur që ekipi i tij arriti që të sigurojë kalimin në raundin e ardhshëm, duke treguar dhe atë çka nuk shkoi tek Interi në pjesën e parë. “Misioni u krye me sukses. Jemi të lumtur që arritëm të kalojmë në raundin tjetër.

E dimë që ndeshja e parë në Kupën e Italisë është gjithmonë e vështirë. Pjesa e parë nuk ishte aty ku duhej, pasi ishim të ngadaltë në manovrat tona, por në fraksionin e dytë reaguam dhe arritëm të ndryshonim rezultatin“.

Mesfushori i Shqipërisë ka gjetur shumë pak hapësira, me trajnerin Inzaghi që nuk ka besuar shumë tek ai, megjithatë Asllani beson se e ka përligjur më së miri besimin e dhënë dhe shpreson të jetë protagonist edhe në vazhdim.

E pata të vështirë që të gjeja hapësira në fillim, diçka që është normale kur përballë ke një skuadër që luan e mbyllur pas. Në pjesën e dytë ata na lejuan më shumë hapësira dhe unë arrita që t’i shfrytëzoja mundësitë e mia. Ndihem mirë që e ndihmova ekipin dhe shpresoj që të vijoj me të njëjtin ritëm.

Jam i kënaqur me paraqitjen time, tani na duhet të fokusohemi në ndeshjen tjetër“, u shpreh lojtari i talentuar shqiptar. Asllani është aktivizuar këtë sezon në 14 ndeshje mes Serie A, Kupës së Italisë dhe Champions League, por vetëm prej tyre i ka nisur si titullar.

Golin e parë me fanellën e Interit nuk e ka gjetur ende, por si fillim shpreson që të fitojë një fanellë titullari dhe në Serie A.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...