Mateo Retegui është një nga surprizat e radhës së Roberto Mancinit te kombëtarja italiane. Trajneri ftoi sulmuesin e lindur në Argjentinë, i cili aktivizohet me Tigre.
“Kemi shumë kohë që e ndjekim, për fat të mirë përgjigja e tij ishte e menjëhershme dhe pozitive”, u shpreh Mancini në lidhje me 23-vjeçarin.
Lexo edhe:
- Mehmeti fjalëpak: Kombëtarja një ëndërr, gati të luaj titullar
- Uzuni: Më Sylvinho-n do bëjmë lojë ofensive, kam oferta nga disa kampionate
- Gabimi në finalen e Botërorit, Kolo Muani: E urrej atë çast, por duhet të shoh përpara!
- Buffon: Ju tregoj gabimin më të madh në jetës dhe kur tërhiqem
Retegui zgjodhi origjinën e prindërve të tij dhe po e pret me padurim debutimin me fanellën e katër herë kampionëve të botës.
“Ai është një qendërsulmues klasik, shoh që shumë e krahasojnë me Denisin. Më kujton Gabriel Batistutën kur sapo mbërriti në Itali. Po flasim për një djalë të ri, i cili ka nevojë për kohë për t’u përshtatur.
Gjithsesi, unë jam i bindur se Retegiut nuk do i duhet shumë kohë për t’u përshtatur dhe integruar në kombëtaren italiane”, deklaroi Mancini.
Italia është pjesë e grupit C në eliminatoret e Euro 2024. Të kaltrit do të sfidojnë Anglinë, Ukrainën, Maqedoninë e Veriut dhe Maltën.
Takimi i parë do të luhet ndaj “Tre Luanëve” të Southgate në “Diego Maradona” të Napolit (23 mars). Pas tri ditësh transferta me Maltën, takime që do t’i ndiqni në SuperSport.
