Glasgow Rangers me mendjen te finalja e Europa League-s. Trajneri holandez, Giovanni Van Bronckhorst, pak ditë para ndeshjes ndaj Eintracht Frankfurtit, vendosi të aktivizonte një formacion me shumë lojtarë rezervë në takimin ndaj Hearts e prapëseprapë fitoi lehtësisht 1-3.
Titulli në Skoci u fitua pak ditë më parë nga Celtic, pas barazimin në fushën Dundee United. Skuadra e Giovanni Van Bronckhorst, i cili gjatë sezonit mori detyrën që kishte Steven Gerrard, ishte protagonist i një udhëtimi europian që kulmoi me kualifikimin për në finalen e Europa League-s, që do të luhet në Sevilje, kundër Eintracht Frankfurtit.
Kjo ishte arsyeja pse sfida e fundit e sezonit në Premiershipin Skocez kaloi në plan të dytë. Fakti është se Van Bronckhorst e përgatiti ndeshjen e fundit me një formacion të riformatuar.
Në portë u aktivizua McLaughling, portier i dytë, më pas Arfield, Davis e Balogun, lojtarë që kanë luajtur gjatë këtij sezoni me ekipin e parë. Këtyre iu shtuan Ramsey, Diallo, Sands dhe Itten. Nga skuadra B dhanë kontribut Devine, King dhe Lowry.
Megjithatë, Rangers nuk e vunë në diskutim suksesin, duke iu imponuar kundërshtarit me rezultatin 1-3. Përveç Itten, shënuan edhe Lowry e McKinnon, lojtarë që vinin nga skuadra B. Të mërkurën për Rangers është finalja e Europa League-s.
