Bundesliga

“Më shumë gola dhe më pak kartonë”, 6 fakte për fazën e parë të Bundesligës

Bayern Mynih – Borussia Monchengladbach, e planifikuar për mbrëmjen e sotme, është ndeshja e parë e fazës së dytë të Bundesligës, që edhe këtë sezon duket se ka për protagonist kryesorë pikërisht bavarezët kampionë në fuqi, të cilët në gjysmën e parë kanë arritur të krijojnë një diferencë prej 9 pikësh me Borussian e Dortmundit që i ndjek.

Megjithatë në prag të fazës së dytë, është interesant fakti që për gjysmën e parë të sezonit, Bundesliga është kampionati me më shumë gjuajtje në portë dhe më shumë gola të shënuar, 4 top-ligat e tjera europiane, si Serie A, Premier League, La Liga dhe Ligue 1.

Gjithashtu, Bundesliga është njëkohësisht edhe kampionati më Fair Play, pasi në të 153 ndeshjet e luajtura në fazën e parë, kartoni I kuq është nxjerrë në vetëm 16 raste, ndërsa mesatarja e të verdhëve, është 3.6 për ndeshje.

Një tjetër fakt interesant për Bundesligën, është se në fazën e parë janë përdorur gjithsej 447 futbollistë, më shumë se në të gjithë vitet paraardhëse, ose thënë ndryshe çdo skuadër ka përdorur mesatarisht 25 futbollistë në ndeshjet e gjysmës së parë të sezonit.

Përveç aspekteve pozitive, faza e parë ka padyshim edhe aspektet e veta negative dhe një ndër to është numri i të rinjve lokalë, të përdorur nga klubet, që është më i ulëti në krahasim me 4 ligat e tjera kryesore europiane.

Gjithashtu, nga 98 klubet pjesëmarrëse në 5 ligat kryesore europiane, Greuther Furth është padyshim ekipi më i dobët i fazës së parë, pasi ka grumbulluar vetëm 5 pikë. Edhe paraqitja në Europë e gjermanëve ka lënë për të dëshiruar, pasi Wolfsburgu dhe Union Berlin janë eliminuar nga Europa League, ndërsa Borussia Dortmund dhe Leipzig kanë ardhur aty, pasi kanë zhgënjyer në Champions.

Të Fundit

To Top
Evolve Web Agency Evolve Web Agency