Nga Gjergji Stefa
Atin Lala, ish kapiteni i Kombëtares, mesfushori Karembe, ish fitues i Ligës së Kampioneve me Realin dhe Silvinjo, trajneri aktual i Kombëtares, ish-fitues i Champions me Barçën. Kur këta emra ndanë disa nga çmimet kryesore në eventin “ Më të Mirët ”, që kish organizuar FSHF dhe DigitAlb e SuperSport, e kuptoje mirë se këtë radhë nuk ishe në ndonjë plate të rëndomtë, ku palët marrin disa kupa që i harrojnë madje në paradhomat e vendeve ku mezi ngjiteshin nëpër disa skena të kalbura.
Jo, këtë radhë, për herë të parë ndoshta, futbolli shkëlqente. Të gjithë ishin të veshur bukur, muzika ishte e jashtëzakonshme, papionët të merrnin mendtë, ndërkohë që elegance e barazia njerëzore vlerësohej kudo. Ishte njësoj si jashtë shtetit.
Lexo edhe
- Redon Xhixha në vitin perfekt, fiton “Topin e Artë” të kampionatit shqiptar
- Formacioni më i mirë/ Nga Bekaj te Skuka, zgjidhen “yjet” e vitit 2022
- Orges Shehi “Trajneri i Vitit”, fiton garën me Mirel Josën dhe Shpëtim Duron
- Arbitri i vitit 2022, nderohet 32-vjeçari nga kryeqyteti
- Simon Simoni “Talenti i Vitit”: Në Shqipëri ka mjaftueshëm talente
- Talentja e vitit 2022, një 16-vjeçare merr çmimin e parë të mbrëmjes
- Megi Doçi dominuese absolute, fiton “Këpucën e Artë” për femra me “lumë” golash
Sigurisht që nuk kishte shumë dyshime për emrat. Xhixha e Skuka janë më të mirët, se jo më kot shkuan në Metz e Karabag. Nga ana tjetër Shehi fitoi kundër Duros e Josës. Një fitore shumë interesante me dy trajnerë që i ka pasur në pankinë si ish-lojtar madje fitues. Shehi këtë vit dhe kampionatin e Superkupën. Për femrat vëmendja më e madhe ishte te ekipi i Vllaznisë dhe te Megi Doçi, sulmuesja absolute.
Përtej emrave të përveçëm, shija ishte fantastike. Kishe “qejf” të merrje pjesë. Dhe futbolli ka vuajtur gjithnjë për këtë finesën e eventeve. Në të shkuarën evente të tilla ishin të mbushura me bërxolla, birra, avuj alkooli, pa shije dhe pa element femër.
Këtë radhë ishte ndryshe. Dhe gjejeni pak? Partneri kryesor ishte DigitAlb e SuperSport. Sigurisht që ulje e ngritje e ka, por për fatin e mirë tonit dhe jo të të gjithëve, jemi ende Më të Mirët. Disa i ka marrë madje edhe malli. Nga këta të futbollit të Superiores sigurisht…
