Ilkay Gundogan do të largohet nga Manchester City, por shpreson që më parë të fitojë tripletën, sukses që do kompletohej nëse fitohen finalet e FA Cup dhe Champions League. Përballë Manchester United dhe Interit.
Kapiteni i skuadrës së Pep Guardiolës, ndodhet në vitin e fundit të kontratës. Mundësinë e rinovimit e ka refuzuar dhe në qershor do të vijë largimi nga Etihad pas shtatë viteve fantastike te City.
Lexo edhe:
- 3 fitore në 11 ndeshje, Vllaznia merr vendimin për Sedloskin
- U kap duke transportuar kokainë, telashe në horizont për futbollistin e kombëtares holandeze
- VIDEO/ Maria Guardiola ‘i vë syrin’ sulmuesit të Manchester City-t
- Klubet që kanë shpenzuar më shumë, dominon Chelsea, e mbyllin 4 italiane
Mesfushori i kombëtares gjermane (66 ndeshje dhe 17 gola me Pancerat), ka zgjedhur Spanjën për të vazhduar karrierën. Më saktë Barcelonën, klub që e kërkon prej kohësh.
32-vjeçari do të transferohet në “Camp Nou” nën urdhrat e Xavit me parametra zero dhe do të firmosë një kontratë 3-vjeçare me kampionët e Spanjës.
Gundogan ndodhet në kuotën e 9 golave dhe 7 asistimeve këtë sezon me Manchester City. Me skuadrën angleze ka fituar 12 trofe, numër që shpreson ta rrisë, duke filluar nga derbi i sotëm ndaj Manchester United në finalen e FA Cup.
Përballja e bukur dhe emocionuese që do të zhvillohet në “Wembley”, do të transmetohet në SuperSport 2.
