Connect with us

Hi, what are you looking for?

UFC

MecGregor: Jam kampion i dyfishtë, e mund sërish Poirier, nëse Khabib…

Numërimit mbrapsht po i vjen fundi. Dueli i madh McGregor-Poirier po tërheq gjithnjë e më shumë vëmendjen e të pasionuarve të UFC-së. Dy luftëtarët do të zbresin në oktagonin e Abu Dhabit në orët e para të së dielës (04:00) për një nga sfidat më të rëndësishme të këtij viti, që nuk do të mungojë në ekranin e SuperSportit.

“The Notorious” mbërriti në vendin aziatik jo me avion, si të tjerët, por me jahtin e tij luksoz me vlerë 4 milionë dollarë. Një zbarkim plot stil, për ta përgatitur në mënyrën më të mirë të mundshme kthimin e tij një vit pas duelit të fundit, të cilin e fitoi për 40 sekonda përballë Donald Cerrones.

Conor McGregor do të përballet me një kundërshtar serioz, si Dustin Poirier. Objektivi është marrë fitoren për të harruar humbjen e rëndë të pësuar në duelin me Khabib Nurmagomedov në vitin 2019. McGregor dhe Poirier janë sfiduar mes tyre edhe në vitin 2014, në atë rast “The Notorious” iu imponua në 1’46” me një të djathtë vrasëse, duke mos i lënë rrugëdalje amerikanit.

Kanë kaluar 7 vjet, por irlandezi ndihet ende në formë:

“Ndihem sikur sapo kam filluar. Të gjithë më thonë: hej, Conor, ke bërë atë që mund të bëje, je më i pasur se Dana White, çfarë bën këtu?. Duaj të jem, dua të dhuroj spektakël. Jam i ri dhe kam pasur gjithçka: para, gjerdanë të artë, famë. Por dua më shumë. Dua që të gjitha arritjet e mia të vihen në radhë si në një film, që një ditë, kur të jem ulur me djalin tim, të mendoj të kaluarën dhe të shijoj jetën.”

“The Notorius”, gjithsesi, ruan respekt për kundërshtarin e tij amerikan.

“Poirier është një kundërshtar i madh, por unë jam kampion i dyfishtë dhe një kampion i dyfishtë i mposht dy herë rivalët e tij. Khabib? Gjërat shkuan në personale. Ka kaluar shumë kohë, por beteja mes meje dhe tij nuk ka përfunduar. Sporti nuk duhet të përfundojë. Unë nuk e kam pishman, nëse ai nuk do, nuk e ndjek. Ndërkohë, jam kthyer te peshat e lehta”.

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...