Gary Medel pritet të jetë i larguari i radhës nga Besiktas. Klubi turk që ka vështirësi të mëdha financiare këtë vit po shikon të gjejë një sistemim të ri për lojtarët me pagë të lartë dhe për lojtarin kilian kanë ardhur oferta nga Kina. 31-vjeçari polivalent është në bisedime me Beijing Gouan të cilët janë gati t’i ofrojnë një pagë të lartë prej 4-5 milionë euro për 2 sezone ndërsa Besiktas do të mjaftohej me 5 milionë euro për kartonin e mesfushorit që ka kontratë deri në vitin 2020 me klubin turk.