Gary Medel transferohet në Brazil. Kapiteni i kombëtares së Kilit, ka zgjedhur të vazhdojë karrierën në Brazil. Tek ekipi Vasco da Gama, aty ku pak ditë më parë u transferua edhe Serginho, ish-lojtari i Skënderbeut dhe Laçit në Superiore.
Mbrojtësi nga Kili, ishte pjesë e Bolognas në katër vitet e fundit. Teksa më parë ka luajtur me skuadra si Interi, Sevilla dhe Boca Juniors.
35-vjeçari, i cili e nisi karrierën si mesfushor “shkatërrues” dhe nga fundi u tërhoq në qendër të mbrojtjes, ka firmosur deri në dhjetorin e vitit 2024 me klubin e ri.
Lexo edhe:
- VIDEO/ Spektakël i Ballkanit në Fadil Vokrri, skuadra e Dajës dominon Ludogorets
- VIDEO/ Partizani krijon, por gabon shumë. Të kuqtë e mbyllin në barazim ndaj Bates
- VIDEO/ Gol spektakolar, Xhixha “nderon” Qarabag
- E kërkuan me këmbëngulje dhe shpenzuan 1.5 milionë euro, Daku prezantohet në Rusi
“Dua të falënderoj tifozët për mikpritjen. Shpresoj që të sjell rezultatet pozitive që ju prisni.
E di që së bashku do ia dalim ta lëmë pas këtë situatë të vështirë”, deklaroi Medel, duke iu referuar faktit që Vasco da Gama nuk e ka nisur mirë sezonin e ri.
Gjatë karrierës së tij, “luftëtari” latin ka veshur 152 herë fanellën e Kilit. Kombëtare me të cilën ka fituar dy herë Kupën e Amerikës (2015, 2016).
