Serie A

Mediat italiane: Strakosha, një zot i zbritur në tokë

Thomas Strakosha ka marrë të gjithë vëmendjen e mediave italiane, me pritjen decisive që i bëri penalltisë së Dybalës, në minutën e fundit shtesë. Portieri shqiptar është vlerësuar si një nga më të mirët në fushë për Lazion, pasi përveç 11-metërshit, realizoi edhe disa pritje shpëtimtare.

Portali Tuttomercatoweb.it, e ka vlerësuar me notën 7 Strakoshën, teksa në përshkrimin për të thotë: “Strakosha, një zot i zbritur në tokë. I pafajshëm te goli i parë, ndërsa më pas bën disa pritje shpëtimtare ndaj bardhezinjve. Në sekondat e fundit hipnotizon Dybalën dhe i jep 3 pikët skuadrës”. Strakosha është kthyer në një titular të padiskutueshëm te Lazio, ku ka pësuar 10 gola në këto 8 javë të para.

To Top