Pas tre ndeshjesh pa fitore dhe dy humbjeve radhazi, Dinamo rikthehet te suksesi në Kategorinë e Parë. Blutë e kryeqytetit mposhtën në transfertë me rezultatin e thellë 0-4 Besëlidhjen, duke i dhënë mundësinë edhe trajnerit Dritan Mehmeti të festojë në ndeshjen e parë nën drejtimin e skuadrës. Miqtë e vendosën shpejt sfidën në “shinat” e duhura teksa kaluan në avantazh në minutën e pestë me anë të Ivan dhe dyfishuan më pas me anë të Denisson shtatë minuta para se të mbyllej 45-minutëshi i parë.
Në fraksionin e dytë, Dinamo mbylli llogaritë e sfidës me golin e tretë në minutën e 67-të, sërish me anë të Denisson. Në fund, pati vend edhe për një gol të Imamit në minutën e 78-të teksa pas këtij trepikëshi, Blutë ngjiten në vendin e dytë me 34 pikë (po aq sa Skënderbeu), një më pak se Flamurtari kryesues.
LEXO EDHE:
- Të shtëna dhe mesazh kërcënues për Messin më Argjentinë
- Roma po kërkon një zëvendësues për Rui Patricion
- Camavinga pranë rekordit absolut që mbahet nga bashkëkombësi i tij
- Ramsdale e pranon: Nuk kemi qenë më parë në këtë situatë, luajmë sikur jemi në vend të 10-të
ndeshjet e tjera, Skënderbeu nuk shkoi më shumë se një barazim pa gola në transfertë ndaj Burrelit. Korçarët ishin më kërkues në fushë, por pa lënë mënjanë edhe vendasit që u ndalën nga shtylla pas një goditje të Kolecit.
Gjithsesi, në fund nuk pati fitues me Skënderbeun që për momentin mban vendin e tretë me 34 pikë ndërsa Burreli mban vendin e nëntë me 22 pikë. Sakaq, Tomori mposhti në shtëpi me rezultatin 2-1 Orikun, Luzi barazoi pa gola me Turbinën ndërsa Apolonia mposhti Tërbunin me rezultatin 1-0.
