Trajneri i Tiranës, Ardjan Mema, përtej gëzimit që i jep kualifikimi, u shpreh me rezerva për mënyrën sesi e nisi lojën Tirana, duke rrezikuar që në fillim kualifikimin.
“Duhet të shikojmë që mos të kemi këto problemet e fillimit që kishim sot. Duhet të përmirësohemi në këtë aspekt.”
Kartoni i kuq i Halilit: Grenti nuk është një njeri i tillë, ai është person i dashur. Të gjithë e njohim. Ishte i karikuar dhe kaq, nuk besoj se do të ndodhë më një gjë e tillë.
Klima pas kualifikimit: Krijohet një klimë shumë e mirë dhe është një vazhdë shumë e mirë. Mua më takon detyra që të shohim gabimet që ka pasur sot. Ekipi duhet të shohë lart, që të mos kthehen problemet që kishim në të kaluarën.
Sfida e ardhshme me Kukësin: Mendoj që kjo periudhë ka pasur shumë ndeshje të forta. Lojtarët kanë pasur shumë tension. Mendoj që duhet të shohim shumë qëndrimin dhe të riparojmë për ndeshjen me Kukësin. E kemi forcën që të përballojmë ndeshjen me Kukësin, pasi rikthehen disa lojtarë, si Hasani, Kërçiku.
