Loris Karius nuk po arrin të lërë pas krahëve momentin negativ që e shoqëroi gjatë finales së Champions League me Liverpoolin. Portieri vazhdon të përndiqet nga fati i keq edhe te Besiktas, ku luan në formë huazimi, aq sa kohët e fundit është folur shumë për një largim të tij nga Turqia. Pavarësisht situatës së krijuar ai që i jep fund këtyre spekulimeve është agjenti i 25-vjeçarit, Florian Goll. Ai deklaroi se asgjë nuk është e vërtetë, pasi gjermani do të respektojë kontratën 2-vjeçare të huazimit me klubin turk, i cili sipas tij nuk ka aspak ndërmend ta prishë para kohe këtë marrëveshje.
