Pas Gentian Selmanit dhe David Domgjonit, skuadra e ligës së parë turke Menemenspor kërkon të bëjë sërish pazar te Laçi, teksa këtë herë ka shënjestruar kryegolashënuesin e Kategorisë Superiore, Kyrian Nwabueze. Sulmuesi nigerian me pasaportë amerikane ka shkëlqyer në këtë sezon me fanellën e skuadrës kurbinasve dhe pas vetëm 1 sezoni në rradhët e Laçit mund t’i japë lamtumirën ekipit bardhezi.
Lajmi bëhet i ditur nga mediat turke që qëndrojnë pranë klubit të Menemenspor të cilat shkruajnë se klubi nga Izmiri e ka ndjekur nga afër Kyrian Nwabuezen dhe interesi është konkret ashtu siç është konkret edhe interesi i Menemenspor për dy talente të futbollit shqiptar Sherif Kallakun e Teutës dhe Ernest Muçin e Tiranës.