Formula 1 vijon të zhvillohen nën dominimin e Mercedesit, që fitoi edhe garën e 6 sezonale, teksa në Monaco i pari u rendit kampioni në fuqi i botës, Lewis Hamilton, i cili fitoi edhe garën e katërt për këtë sezon.
Britaniku u rendit i pari në provat zyrtare dhe këtë pozitë e mbajti thuajse gjatë gjithë garës, duke lënë pas vetes makinën Ferrari të Sebastian Vettel dhe shokun e skuadrës, Valteri Bottas.
Vlen të theksohet se Ferrari vijon të paraqitet mjaft dobët, teksa gjatë këtij sezoni numëron vetëm 3 podiume, dy vende të treta dhe një vend të dytë.
Piloti tjetër i “kokëkuqes”, Charles Leclerc dështoi totalisht në garën në shtëpinë e tij, sepse pas tentativës për të rikuperuar pozicionet e nisjes, doli jashtë gare.