Te Dortmundi janë gjithmonë të vëmendshëm në lidhje me talente të ndryshme. Në orbitën e nënkampionëve të Gjermanisë ka përfunduar një adoleshent italian.
Verdhezinjtë po monitorojnë prej kohësh Marco Delle Monache, sulmuesin e majtë që është në pronësi të Pescara Calcio, ekip që garon në Serie C, divizioni i tretë i futbollit italian.
17-vjeçari ka edhe dy vite kontratë me “Delfinët”, ndërkohë që është pjesë e kombëtares U17 të Italisë (nëntë ndeshje). Drejtuesit e Dortmundit po përgatitin një ofertë për ta transferuar në “Signal Iduna Park”.
Për talentin italian interesohen edhe Juventus, Fiorentina, Sampdoria dhe Sassuolo, konkurrencë të cilën Dortmundi shpreson ta fitojë dhe të bindë lojtarin të transferohet në Gjermani.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
