Barcelona po kërkon të bëjë një lëvizje për mesfushorin e avancuar të Bayern Munchen, Jamal Musiala. Sipas raportimeve nga Spanja, trajneri i Barcelonës, Xavi, e sheh talentin gjerman si një nga lojtarët më të mirë në botë në të ardhmen dhe dëshiron që klubi të nënshkruajë me të.
Por, arritja te 19-vjeçari do të jetë shumë e vështirë, pasi bavarezët nuk kanë ndërmend të heqin dorë nga talenti i tyre. Me të cilin kanë kontratë deri verën e vitit 2026. Për ta transferuar Musialën, katalanasit duhet të bëjnë një sforco financiare ose të përfshijnë lojtarë të tjerë në marrëveshje.
Feyenoordi ka hapur bisedimet për një transferim të sulmuesit të Augsburgut, por të huazuar te Groningen, Ricardo Pepi. Sipas ekspertit të transferimeve Fabrizio Romano, klubi është i interesuar të nënshkruajë me futbollistin për sezonin e ardhshëm.
Lexo edhe:
- Trajneri Sylvinho publikon listën për ndeshjet e qershorit, risi dhe rikthime nga braziliani
- VIDEO/ 11 tituj radhazi, Bayerni fiton më të bukurin! Dortmundi në lot
- Receta e fitores? Guardiola: Pushim, restorante dhe golf! Këtë javë e ka radhën United, pastaj Inter
- Titulli me PSG i shton vlerat Messit, argjentinasi barazon Dani Alves dhe lë pas Ronaldon
Kampionët holandezë kanë nisur negociatat me klubin gjerman për sulmuesin e talentuar 20-vjeçar të kombëtares amerikane. Pepi dëshiron të qëndrojë në Eredivisie pas një sezoni debutues me nota të larta vlerësimi. Kartoni i tij kap vlerën e 10 milionë eurove.
Arsenali po planifikon një lëvizje për mbrojtësin e krahut të Galatasaray, Sacha Boey. Topçinjtë janë në kërkim të një mbrojtësi të djathtë cilësor dhe kanë identifikuar futbollistin e ekipit nga Stambolli si një nga objektivat e tyre të verës.
Sipas medieve britanike, klubi turk ka të ngjarë të kërkojë një shifër transferimi prej 20 milionë paundësh. 22-vjeçarin ka kontratë me kampionët e Turqisë deri në vitin 2025. Lojtari më parë ka luajtur në Francë me Rennes dhe Dijon. Boey u transferua në Turqi në verën e vitit 2021.