Dinamo ka zyrtarizuar afrimin e Real Zhivanaj nga kampionët në fuqi të Tiranës. Qendërmbrojtësi 24-vjeçar ishte pjesë e bardhebluve të Orges Shehit prej verës së vitit 2021.
Zhivanaj zhvilloi 20 ndeshje me skuadrën e Tiranës. Tani do të japë kontributin e tij te Dinamo, me misionin për të ndihmuar 18 herë kampionët e Shqipërisë drejt rikthimit në Superiore.
“Mbrojtësi 24-vjeçar ka firmosur kontratën që e bën pjesë të 18 herë kampionëve në vazhdim. Ai vjen në skuadrën tonë pas eksperiencës me ekipin e Tiranës, ndërsa më herët ka luajtur edhe për Tërbunin dhe Kastriotin”, lexohet në komunikatën zyrtare të Dinamos.
Skuadra e Nevil Dedes kryeson Kategorinë e Parë me 24 pikë të grumbulluara në 12 ndeshje, dy pikë më shumë se Flamurtari dhe tri më tepër se Korabi.