Më 31 janar u mbyll merkato e transferimeve dimërore, me Premier League-n në vendin e parë në aspektin e shpenzimeve.
Siç shkruan “Sky Sport”, Premier League konfirmohet në vend të parë me më shumë se 203 milionë euro shpenzime në merkaton e janarit. Për herë të parë, kampionati anglez shënoi rënien e parë të shpenzimeve gjatë merkatos së janarit që prej vitit 2012 (sezonin e kaluar shpenzoi rreth 490 milionë euro) dhe, pavarësisht nga kjo e dhënë, ajo renditet sërish në vend të parë.
Në vend të dytë të klasifikimit është Serie A, e cila regjistroi 168.10 milionë euro shpenzime. Në vend të tretë, Chinese Super League, me 114.5 milionë shpenzime.
Kjo shifër mund të rritet, duke qenë se merkato në Kinë mbyllet më 28 shkurt. Në vend të katërt, Ligue 1 (75.40 milionë euro), ndërsa kampionati brazilian renditen në vend të pestë, me 79.91 milionë euro të shpenzuara.
Shifra mund të rritet duke qenë se marrëveshjet parashikohet të mbyllen më 3 prill). Bundesliga gjermane renditet e 6-ta (75.4 milionë), ndjekur nga Liga spanjolle me 72.75 milionë shpenzime.
