Po flitet shumë për largimin e Bajram Jashanicës dhe Bakary Nimagës por deri tani asnjëri prej tyre nuk i ka dhënë lamtumirën klubit korçar dhe nëse kjo nuk ndodh deri në fund të janarit, atëherë te Skënderbeu nuk do të ketë asnjë afrim tjetër në periudhën e dimrit me merkaton e janarit që mund të konsiderohet praktikisht e mbyllur. Dy afrimet e vetme të Skënderbeut në këtë merkato janë mesfushori Emiljano Vila dhe sulmuesi i talentuar i ardhur nga Apolonia Blerim Krasniqi. Faktin se Skënderbeu nuk do të ndërhyjë në merkato nëse nga skuadra korçare nuk do të shitet asnjë futbollist e konfirmoi administrator i klubit Gerhard Takaj.
