Getafe kishte shpenzuar plot 400 mijë euro për kartonin e tij, para që shkuan në arkat e Tiranës, por kongolezi Merveille Ndockyt, zbulimi i sezonit të kaluar te bardheblutë, për arsye dokumentacioni nuk ka mundur të shkelë në Spanjë. Menjëherë pas përfundimit të grumbullimit me kombëtaren e Kongos, 19-vjecari është pajisur me vizë dhe është nisur menjëherë drejt vendin iberik, për t’iu bashkuar skuadrës spanjolle që zotëron kartonin e tij.
Futbollistin afrikan, që sezonin e kaluar shënoi 5 gola në ndeshjet e Superiores me fanellën e Tiranës, e pret një eksperiencë e re në një prej kampionateve më cilësore në botë, ku do të mund t’i jepet mundësia për të qenë përballë emrave më të medhenj të futbollit, si Cristiano Ronaldo dhe Lionel Messi.
Ky është rasti ideal për t’u marrë shembull sesi një talent i Superiores mund të hedhë një hap kaq të madh cilësor në karrierë.
