Daniel Sturridge është një nga lojtarët më me eksperiencë që është pa kontratë dhe në pritje të një aventure të re. Sulmuesi që mbylli në korrik bashkëpunimin me Liverpoolin po studion ofertat në drejtim të tij, që në fakt nuk mungojnë, duke nisur nga DC United që, dëshiron ta bëjë atë pasuesin e Wayne Rooney-t.
Jo vetëm kaq, pasi 29-vjeçarin e duan ende edhe klube europiane, siç është rasti i Atalantës, që i ofron mundësinë sulmuesit anglez të luajë edhe në Champions League. Sturridge po reflekton për ofertat dhe pritet që këtë javë të vendosë dhe të ardhmen e tij.