E ardhmja e Miralem Pjanicit është ende në ajër. Edhe pse të enjten e kaluar merkatoja u mbyll në shumicën e vendeve dhe ai nuk mori asnjë ofertë tërheqëse, mesfushori ende po shqyrton idenë për të shkuar në një nga ligat ku merkatoja është ende e hapur.
Aktualisht lojtari ka një ofertë nga një klub arab, që mund t’i interesojë. Tashmë ka pasur kontakte me Al-Nassr. Megjithëse më parë është diskutuar Sharjah, burime të njohura me negociatat mohuan interesimin e kësaj skuadre.
Pjanic duhet të vendosë në ditët në vijim se çfarë do të bëjë. Ai e ka të qartë se, nëse largohet, do të jetë për Emiratet e Bashkuara Arabe, pasi tregjet e tjera nuk janë në interesin e tij.
Dëshira e tij ishte të provonte edhe një herë veten te Barcelona, por me një mesfushë ku luajnë Pedri, Gavi, Busquets apo de Jong, mundësitë për të pasur minuta në këmbë janë afër zeros. Ai nuk ka luajtur asnjë minutë në katër ndeshjet e La Liga.