Atë që nuk realizoi dot ndaj Sportingut të Lisbonës, Lionel Messi e arriti ndaj Olympiacosit. Me golin që i shënoi skuadrës greke, 5-herë fituesi i Topit Artë vendosi një tjetër rekord personal duke u bërë i dyti lojtar në historinë e futbollit që arrin shifrën e 100 finalizimeve në kompeticionet europiane. 100 gola me Barcelonën jashtë kufijve të Spanjës, 97 prej tyre në Champions League dhe 3 në Superkupën e Europës. Vetëm Cristiano Ronaldo i cili deri tani ka realizuar 113 gola në Europë në nivel klubesh është më mirë se Messi në këtë aspekt.
Çfarë ishte ajo që hëngri Lionel Messi në ndeshjen që Barcelona fitoi me shifrat 3-1 ndaj Olympiacosit në Champions. Veprimi i argjentinasit ka bërë xhiron e internetit me Messin që gjatë sfidës ndaj skuadrës greke ka nxjerrë diçka nga çorapja e tij dhe më pas e ka futur në gojë. Pyetja që i intrigon të gjithë tashmë është çfarë hëngri Leo Messi?!