Lionel Messi kthehet në Barcelona. Lojtari i Paris Saint Germain ka përfituar nga fakti që trajneri Pochettino i ka dhënë disa ditë pushim futbollistëve të PSG për të vizituar qytetin që ishte shtëpia e tij. Ish-lojtari “blaugrana” ka marrë pjesë në festën e ditëlindjes së Xavi Hernandezit, trajnerit aktual të Barçës. Në këtë darkë ishin të pranishëm edhe disa “pesha të rënda” të skuadrës, si Sergio Busquets dhe Jordi Alba.
Takimi u bë në një restorant japonez, që ndodhet në pjesën e sipërme të qytetit. Të gjithë të pranishmit ishin të shoqëruar nga bashkëshortet e tyre. Këtë 25 janar, Xavi mbushi 42 vjeç. Sigurisht që takimi mes argjentinasit dhe trajnerit aktual të Barçës, pak para mbylljes së merkatos, ka nxitur shumë spekulime.
Messi nuk është thirrur së fundmi nga Scaloni pasi sapo ka kaluar COVID-19. Në fundjavë, u aktivizua në minutën e 62-të, në vend të Di Marias, në ndeshjen Reims.
Prania e Messit në Barcelonë mund të interpretohet në mënyra të ndryshme, por brenda pak ditësh ai do të kthehet në Paris për të vijuar punën pjesën tjetër të skuadrës.
[quiz-cat id=”297386″]