Francesco Totti po shijon Kupën e Botës në Doha. Kampioni i Botërorit 2006, i intervistuar në “Twitch” foli për turneun Katar 2022 dhe bëri edhe disa krahasime.
Totti theksoi se sipas tij Lionel Messi është aktualisht lojtari më i mirë në botë, ndërsa më tej duke e krahasuar me Maradonën shtoi se të dy ata janë alienë, por Diego mbetet më lartë.
“A është Maradona apo Messi më i mirë? Po flasim për dy alienë. Diego është futbolli, Leo tani është më i miri në botë, por qëndron pas Maradonës. Nuk është e lehtë të gjesh mbiemrat e duhur. Mes tyre përfshij edhe Cristiano-n që janë në një kategori tjetër”-deklaroi italiani.