Lionel Messi realizon një gol plot klas përballë Nices në “Parc des Princes”, në javën e nëntë të Ligue 1. “Ylli” argjentinas fitoi një goditje të lirë të cilën e ekzekutoi me mjeshtëri, duke zhbllokuar rezultatin.
Edhe pse kishte marrë dy ditë pushim pas impenjimit me përfaqësuesen, shtatë herë fituesi i “Topit të Artë” u aktivizua titullar dhe tregoi se po kalon një formë të shkëlqyer.
Rikthehet baraspesha në “Parc des Prices” sapo nisi pjesa e dytë. Një krosim perfekt nga e djathta e Atal u kthye në asist për Laborde, që e pati të lehtë ta dërgonte topin në rrjetë.
Gjithsesi, Nice nuk ia doli ta ruante rezultatin, pasi në minutën e 83-të ktheu avantazhin për PSG-në Kylian Mbappe, i shërbyer nga Makiele. PSG me këtë sukses rimerr vendin e parë me 25 pikë, dy më shumë se Marseille.