Siç ka njoftuar “El Mundo Deportivo”, Barcelona do të përfitojë një shumë të majme parash nga FIFA për pjesëmarrjen e futbollistëve të saj në “Katar 2022”. Shuma e përfituar nga klubi katalan mund të arrijë deri në 3.88 milionë euro pasi 23 lojtarë dhe ish-lojtarë “blaugrana” dha kontribut për përfaqësueset respektive në finalet e Botërorit.
Në një marrëveshje mes ECA-s (Shoqata e Klubeve Europiane) dhe FIFA-s, kjo e fundit duhet të paguajë 10 mijë euro në ditë për çdo lojtar, që ka qenë anëtar i klubit të tij nga gushti 2020 deri më sot dhe ishte në Kupën e Botës, në Katar. Kështu, Barcelona do të përfitojë një shifër të konsiderueshme edhe falë atij që tashmë është ish-lojtari i saj dhe finalisti i Kupës së Botës, Leo Messi.
