Rusi 2018

Messi: Frika kaloi, do ishte çmenduri të mbeteshim jashtë

Ai konsiderohet nga të gjithë si futbollisti më i mirë në Botë për momentin edhe pse Topi i Artë pritet të shkojë sërish në duart e rivalit të tij të madh, Cristiano Ronaldos. Ndaj Ekuadorit, Lionel Messi tregoi edhe njëherë tjetër sesa gjenial është pasi me 3-golëshin e realizuar kualifikoi Argjentinën në Kupën e Botës, ndërsa u bë edhe lojtari që ka shënuar më shumë në sfidat plot 20 gola.

Pas vështirësive të shumta frika tashmë ka kaluar, me yllin e Barçës që në një intervistë deklaroi se sfida ndaj Ekuadorit ishte pika e kthesës dhe nga tani e tutje, Argjentina do të vijë në rritje. “Kualifikimi ishte gjëja më e rëndësishme, do të ishte një çmenduri për ne të mbeteshim jashtë Botërorit, tashmë frika ka kaluar dhe do të jemi më të fortë pas kësaj eksperience të vështirë që kaluam”, deklaroi Leo Messi.  5 herë fituesi i Topit të Artë i shpëtoi fytyrën edhe Jorge Sampaolit që mund të hynte në histori si trajneri që nuk do të çonte dot Argjentinën në Botëror pas plot 40 vitesh. Ish tekniku i Sevillas thuri elozhe për 30-vjeçarin duke e cilësuar Messin si më të mirin e historisë së futbollit.

To Top