Transferimi i Lionel Messit në MLS ka ndikim të pazakontë. Po shiten pa fund fanella me numër 10 e argjentinasit, por ka vende ku uniforma e “Pleshtit” është e ndaluar.
Messi, megjithëse nuk ka zbritur ende në fushë, por shkakton “tërmet” në Shtetet e Bashkuara, por ka edhe nga ata ultras që nuk duan t’ia dinë për kampionin e botës: ata janë tifozët më radikalë të qytetit të St Louis.
Të shtunën, Inter Miami vizitoi St Louis në një ndeshje të MLS dhe skuadra e re e Messit u mposht 3-0. Por para ndeshjes, tifozët paralajmëruan se nuk donin të shihnin fanella me emrin e Messit, të asnjë klubi që lidhet me amerikano-jugorin, madje as nga Grandoli, klubi i fëmijërisë së tij.
Lexo edhe:
- West Ham nis punën për sezonin e ri, londinezët duan dy lojtarët e “padëshiruar” te Man. United
- Kane të Bayern? Hoeness: Nëse është burrë i fjalës, ai do të luajë me ne!
- Man. United nuk dorëzohet, rrit ofertën për Onana-n dhe tashmë marrëveshja është shumë pranë
- FOTO/ Misioni “Superiore”, Vora “peshkon” te Watford e Tirana dhe rikthen në Shqipëri ishin e Laçit
“Kjo ka qenë politika jonë që nga dita e parë. Fanellat e ekipit kundërshtar mund të vishen kudo tjetër në stadium, por seksioni ynë i tifozëve është jashtëzakonisht i rëndësishëm për ne dhe ata janë rrahjet e zemrës sonë. Ne jemi krenarë për mbështetësit tanë dhe ambientin e jashtëzakonshëm që ata kanë krijuar në CITYPARK”, thanë ultrasit e St Louis për Télam.
