Ish-portieri i njohur argjentinas, Hugo Gatti ka idetë e tij rreth fitores së Botërorit Katar 2022 nga Argjentina. “El Loco”, futbollisti me më shumë ndeshje në historinë e kampionatit argjentinas (765) foli në lidhje me protagonistët e kombëtares latine.
Gatti këmbëngul se nuk ishte Leo Messi lojtari më vendimtar në fitimin e Botërorit të tretë nga skuadra albiceleste, duke zgjedhur dy të tjerë përpara kapitenit.
“Jo, Messi nuk ishte vendimtar: i tillë ishte Emiliano Martinez. I jashtëzakonshëm! El Dibu priti gjithçka, madje edhe penalltitë.
Edhe në minutën e fundit të ndeshjeve të ndryshme ai kreu pritje të shkëlqyera. Prandaj them se ai ishte vendimtar në fitoren e Argjentinës, dhe jo Messi.
Dua të them edhe një gjë tjetër. Në sulm, Di Maria bëri diferencën më shumë se Messi, për më tepër duke luajtur për Leon”, deklaroi Hugo Gatti.
