Jerzy Dudek u bashkohet atyre futbollistëve që në përfundim të karrierës marrin guximin për të shkruar autobiografinë e tyre, duke treguar përjetime pikante, që dalin për herë të parë në dritë.
Portieri i polak, i cili nga vitit 2007 deri në vitin 2011 ka qenë pjesë e Realit të Madridit, si zëvendësues i Iker Casillasit (është aktivizuar në vetëm dy ndeshje të LaLigas), ka dashur të tregojë një fytyrë tjetër të Lionel Messit. Ai kujton disa nga ndeshjet “El Clasico”, me protagonist “Pleshtin”: “Ishte shumë mashtrues dhe provokues, ashtu siç ishin Barcelona dhe Pep Guardiola. Kam parë Messin t’u i thoshte fjalë të rënda Pepes dhe Ramosit. Nuk mund ta imagjinoje që një person, në dukje i qetë dhe i këndshëm, të sillej në atë mënyrë.”
Por Dudek nuk sulmon vetëm ish-kundërshtarët në fushën e blertë. Etiketime të ashpra ka edhe për emra të mëdhenj të Realit. Për Raul Blancon shkruan: “Ai është arrogant”. Më pas, korrigjon: “Por, në fund të fundit, ai është një djalë normal”. Te Cristiano Ronaldon dallon tri cilësi, të gjitha në lidhje me gjenin e tij, por një prej tyre në një kuptim negativ: “Ai ishte egoist, tepër konkurrues dhe fitues”.