Atletico Madrid triumfoi me përmbysje mbrëmjen e të djelës, me skuadrën e Simeone-s që vuajti jo pak ndaj Villarreal në “Metropolitano”.
Një sukses shumë i rëndësishëm për llogaritë e kampionatit, pasi tashmë, pas 13-të javësh, Atletico numëron 28 pikë në vendin e katërt, gjashtë më pak se kryesuesit e Girona-s.
Lexo edhe:
- Tragjedi në futbollin shqiptar, Dwamena ndërron jetë në moshën 28-vjeçare
- “Ata janë një skuadër e mërzitshme”, Allegri: Interi? Prisni gjithçka!
- VIDEO/ Berisha i pakalueshëm, Empoli mposht Napolin në “Diego Armando Maradona”
- Dy atake kardiake, me Real Zaragoza dhe Blau Weiss Linz/ Sinjalet që Dwamena duhej ta kishte mbyllur me futbollin
Jo vetëm një sukses për llogari të kampionatit, por edhe të historisë, pasi ndaj Villarreal, Atletico koleksionoi fitoren e 15 radhazi në La Liga në shtëpi, një ecuri që ka nisur prej 19 shkurtit të këtij viti.
Humbja e fundit e madrilenëve në “Metropolitano” është shënuar në takimin e parë të këtij viti, më 8 janar përballë Barcelona-s, ndërsa pikën e fundit e mori Getafe me barazimin 1-1 më 4 shkurt.
Në këtë ecuri, Atletico Madrid ka fituar ndaj emrave si Sevilla, Bilbao, Sociedad apo edhe Real Madrid në këtë sezon, ndërsa tani ka vendosur rekorde me këtë ecuri.
E ardhmja rezervon takime, që të paktën në letër, Atletico do ketë mundësinë ta thellojë akoma edhe më shumë këtë rekord të vendosur në futbollin spanjoll.
