13 vite pas garës së fundit të Michael Schumacherit me makinën Ferrari, djali i tij, Mick do të ulet në njëvendëshen e”kokëkuqes” SF90 më datën 2 Prill, për ty realizuar testet në pistën e Bahreinit.
I përfshirë në Ferrari Driver Academy vetëm këtë verë, 20-vjeçari është gati të bëjë debutimin me makinën me të cilën babai i tij ka bërë historinë e Formulës 1.
Vetëm pak ditë para 2 Prillit, Mick do të debutojë në Formulën 2 në Bahrein, ndërsa më 2 Prill do të drejtojë makinën bashkëkohore të Ferrarit.
Që kur iu bashkua skuadrës italiane, Mick Schumacher nuk ka drejtuar asnjëherë makinën bashkëkohore SF90, ndërsa vetëm ka provuar një Beneton të 1994-ës, të cilën e ka pas përdorur babai i tij.
