Mick Schumacher synon që të ndjekë hapat e të atit në Formula 1, por ai ende nuk ka arritur që të bëjë hapin e madh. Gjermani këtë edicion do të jetë rezervë te skuadra e Mercedes. Vetë piloti e konsideron një lëvizje të përkohshme. Ambiciet e tij janë të mëdha, e pretendimet e tij janë që shumë shpejt të jetë pilot i parë në një skuderi të Formula 1.
Mick Schumacher, së fundmi ka treguar se ka pasur disa oferta konkrete më parë, por ai po pret mundësinë e duhur, në mënyrë që të mbajë lart mbiemrin që babai i tij e ka ngritur në majat më të larta të garave me makina.
Lexo edhe
- VIDEO/ Ngec City, Nottingham “asist” Arsenalit. Chelsea në krizë
- VIDEO/ Goditje dënimi perfekte, Ward-Prowse në ndjekje të Beckham
- Mbaron aventura e Marcelos në Greqi, braziliani ndërpret kontratën me Olympiacos
- Gaboi në Arsenal-Brentford, 51-vjeçari tërhiqet nga arbitrimi
“Nuk do të doja që këtë edicion të isha një pilot rezervë, megjithatë ndonjëherë janë disa kushte që duhet t’u përshtatesh. Unë e shoh si një mundësi për t’u përmirësuar para se të jem pilot i parë. Jam në një pozicion komod ku mund të mësoj, edhe pse nuk kam shumë garanci për të ardhmen. Do kem mundësitë e mia në të ardhmen, pasi nuk ka munguar interesimi. Në kohën e duhur do të bëj lëvizjen e duhur. Për momentin jam i fokusuar në punën që kam nisur. Në muajt e ardhshëm do të vendos për të ardhmen. Do të angazhohem rregullisht kjo është e sigurt”,-u shpreh piloti gjerman.
