Sinisa Mihajloviç duket se do të jetë pasuesi i Philippo Inzaghit në pankinën e Bolognës, pasi siç raportojnë mediat italiane, tekniku serb ka mbërritur tashmë në qytet.
Gjatë orë ve në vijim pritet të mblidhen edhe presidenti Saputo bashkë me drejtuesit e skuadrës, për të firmosur shkarkimin e ish sulmuesit të Milanit, pasi vendimi është marrë që pas humbjes së kuqebluve përballë Frosinones me rezultatin e thellë 0-4.
Philippo Inzaghi ka marrë drejtimin e Bolognës këtë verë, por në 21 ndeshje në krye të skuadrës emiliane, ka regjistruar vetëm dy fitore dhe ndodhet në vendin e 18, pozicion që të çon një kategori më poshtë.
Pikërisht për të shmangur rënien e skuadrës në Serinë B, do t’i besohet trajnerit serb, kontrata e të cilit do të jetë 6-mujore, por që do të rinovohet automatikisht edhe për dy vite, nëse Bologna ia del të qëndrojë në Serinë A.
Vlen të theksohet se nuk është hera e parë që Mihajloviç merr vendin e Philippo Inzaghit, pasi diçka e tillë ka ndodhur edhe në vitin 2016, kur tekniku serb mori vendin e SuperPippos në stolin e Milanit.